About – FBCBC

About Us

Kawhhran ih lubik cu Jesuh Khrih a si, tiah kan zum.
Pa, Fapa le Thlarau Thianghlim sungah a phuangaw ih kumkhua a hmun ringringmi Pathian pakhat kan zum.
Pa Pathian cu lei le van sersiamtu, kilkhawitu le uktu a si tiah kan zum.
Fapa Pathian Jesuh Khrih cu minung ah a cang ih Thlarau Thianghlim hnaṭuannak in fala thianghlim Mary pum sung ihsin a suak tiah kan zum. Jesuh Khrih cu Pathian le minung sinak a neikop a si tiah kan zum.
Thlarau Thianghlim cu Pathian ih neihmi sinak zate a neitu a si tiah kan zum.
Bible cu Pathian thawkkhummi a si ih palhnak a um lo asi tiah kan zum.
Kawhhran in Serh le Saang a neihmi cu Bawipa Zanriah (The Lord’s Supper) le Tihnimnak (Baptisma) a si.

Rundamnak thuthangṭha phuang ding.

Mi harsa an um tikah kawhhran sung, kawhhran leng thleihdannak um loin Pathian mithmai zoh in bawm theitawk in bawm ding.

Kawhhran sungtel pumpak cio thinlung, taksa, thlarau in ṭhanlen pitling theinak ding.

Kan calai le kan nunphung fingkhawi ding. Kan te le fa pawl Chin (Falam) ṭong hngilh lo in thiamter vivo ding.

Kawhhran ṭhansonak le Pathian thuthangṭha karhzai ternak ah titheitawk in ṭan la ding.

Sungtel pawl siatni/ṭhatni ah tuarpi/lawmpi awton ding.